Илгизә / Рәсимә Ураҡсина

Баҫылды : 16-09-2013, 19:32 | Категория: Туған тел / Исемдәр/Имена

Просмотров 981

"Аҡбуҙат"та баҫылған:№, йыл

Рубрика:Туған тел / Исемдәр/Имена

Исеме:Илгизә

Автор:Рәсимә Ураҡсина

Район:

Ауыл:

Рәссам:

Илгизә, илдәр гиҙәм, тип,

Карта янына баҫа.

Диңгеҙ, йылғаларҙы ҡарай,

Ерҙәрҙең серен аса.

Самолетҡа ултырғайны,

Мәскәүгә барып етте.

Мәскәүҙән машина менән

Өфөгә ҡайтып китте.

Ул, һыбай елдереп кенә,

Бөрйәнде урап ҡайтты,

Ташкент баҙарына барып,

Ҡыҙыл алмалар һатты.

Эй йөрөнө, осто, йөҙҙө,

Онотто ашар ашын.

Йоҡлап ята Илгизәбеҙ,

Картаға һалып башын.