Юлиә / Мөнир Ишбулатов

Баҫылды : 16-09-2013, 19:33 | Категория: Туған тел / Исемдәр/Имена

Просмотров 1 215

"Аҡбуҙат"та баҫылған:№, йыл

Рубрика:Туған тел / Исемдәр/Имена

Исеме:Юлиә

Автор:Мөнир Ишбулатов

Район:

Ауыл:

Рәссам:

Бик егәрле ҡыҙ Юлиә,

Һәр эштә лә булыша.

Иртә тороп өләсәйгә

Көтөүгә мал ҡыуыша.

- Йоҡлар инең, балаҡай, - тип

Өләсәй һыйпай баштан.

Йылмайып тора Юлиә

Күҙен алмай ҡояштан.

- Ҡаршыларға яңы көндө

Торам һәр ваҡыт иртә.

Ана алдымда ал ҡояш

Ергә йомшаҡ нур һирпә.

Иртә торғандар уңа, тип

Маҡтай мине әсәйем.

Таң нурынан илһам алып,

Мин һөйөнөп йәшәйем.