Ҡоштар батшаһы / Фаҡиһа ТУҒЫҘБАЕВА

Телдәрҙең атаһы тауҙа
Һунар итә, урманда.
Йәнлеге лә, кейек ҡыш та
Бигерәк күп Уралда.
Телдәрҙе һөйә атаһы:
"Бөркөтөм, — ти, — улғынам,
Һунар итер сағың етте,
Улым — уң ҡулғынам!"
Ирәмәлгә күтәрелде
Телдәр атаһы менән,
Бөркөттәр осто оянан:
Телдәр ҡолап китә яҙҙы
Баҫып торған еренән.
Инәй бөркөт, атай бөркөт
Осалар ғорур ғына.
"Хәл алырға улар, улым,
Бейек ҡаяға ҡуна".
Балаяны күктә оса
Ҡанаттары талғансы,
Уның да булғыһы килә
Бар ҡоштарҙың батшаһы.
Балапаны — иң көслөһө,
Атаһына ул терәк,
Баш баланы, кесеһен дә
Ҡурсалай ул бигерәк.
Таш ҡаяла баҫып торған
Улын атаһы һөйә:
"Һунар итһәң, әйләнерһең
Бөркөт кеүек егеткә!"