Шыршы өләсәй/Тамара Искәндәриә

Баҫылды : 2-10-2013, 07:52 | Категория: Яңы йыл / Ҡыш / Йыл миҙгелдәре

Просмотров 1 809

"Аҡбуҙат"та баҫылған:01-2013

Рубрика:Яңы йыл / Ҡыш / Йыл миҙгелдәре

Исеме:Шыршы өләсәй

Автор:Тамара Искәндәриә

Район:

Ауыл:

Рәссам:Глеб Голубев

Итәктәрен әберкәләп,
Тәңкәләп,
Ылыҫтарын шәмдәй тотоп
Шәмдәлләп,

Матур-матур тубырсығы
Туптырҙап,
Ҡупшыланып, күкрәк киреп,
Тыпырҙап,

Баҡсабыҙҙы нурлап тора
Шыршыҡай,
Үҙе көйсө, бейеүсе лә,
Йырсыҡай!

Алҡа, мәрйен таҡҡан, гүйә,
Өләсәй,
Таҡмаҡ әйтеп, әйһәйҙүкләп
Көлә, шәй!