ЙЫЛАН АРБАУ/Фаҡиһа Туғыҙбаева

Баҫылды : 2-10-2013, 08:48 | Категория: Хайуандар илендә / Ҡырағай йәнлектәр

Просмотров 1 629

"Аҡбуҙат"та баҫылған:01-2013

Рубрика:Хайуандар илендә / Ҡырағай йәнлектәр

Исеме:ЙЫЛАН АРБАУ

Автор:Фаҡиһа Туғыҙбаева

Район:

Ауыл:

Рәссам:

Ҡустым! Ҡурҡма йыландан,
Булһа ла ул ҡап-ҡара!
Бына уны нишләтәм,
Миңә ентекләп ҡара.

Алам ҡулыма ҡурай,
Моңло көйҙәр уйнайым;
Ҡурайымда уйнағанда,
Матур уйҙар уйлайым.

Йоҡлай ҙа китә йылан
Сағам тигән еренән.
Мин ҡурай уйнағанда,
Уянмаҫ ул киренән.

Ҡустым! Ҡурҡма йыландан —
Көслө унан ҡурайым.
Моңло көй уйнай-уйнай,
Йыланды ла арбайым.