ТАҺИР — МАҺИР/Фаҡиһа ТУҒЫҘБАЕВА

Баҫылды : 2-10-2013, 08:49 | Категория: Туған тел / Исемдәр/Имена

Просмотров 1 244

"Аҡбуҙат"та баҫылған:01-2013

Рубрика:Туған тел / Исемдәр/Имена

Исеме:ТАҺИР — МАҺИР

Автор:Фаҡиһа ТУҒЫҘБАЕВА

Район:

Ауыл:

Рәссам:

“Урал батыр” ҡобайырын
Уҡып сыҡҡанға Таһир,
Дуҫтарына ҡыҙыҡ һорау
Бирергә, ай-һай, маһир.

— Әйт әле, — ти ул Заһирға, —
Аждаһа ниндәй йылан?
— Йөҙ йәшлек йылан — Аждаһа,
Үҫә, ти, ул бик йылдам.

Юха йыланға нисә йәш?
— Таһир, уны кем белмәй?!
Юха, тиҙәр, мең йыл йәшәй,
Оса, ти, үҙе елдәй.

Был юлы ла Таһир-маһир
Еңә алманы дуҫын:
Заһир ҙа уҡыған икән
“Урал батыр” эпосын!