Өләсәйем иртүк тора

Баҫылды : 16-12-2013, 14:18 | Категория: Алтын бишек / Минең ғаиләм

Просмотров 1 052

"Аҡбуҙат"та баҫылған:11-2013

Рубрика:Алтын бишек / Минең ғаиләм

Исеме:Өләсәйем

Автор:Айгөл АЙЫТҠОЛОВА

Район:

Ауыл:

Рәссам:

***
Өләсәйем иртүк тора,
Самауырын ҡайната.
Тәмләп-тәмләп сәй эсергә
Унан беҙҙе уята.

“Тор, үҫкәнем, ҡояш ҡалҡты,
Етеп килә төшлөккә.
Иртә торһаң яуып торор,
Бәхет һеҙҙең өлөшкә”

Өләс менән сәй эсеүе
Үҙе бер байрам инде.
Ҡасан ғына уҡыу бөтөп,
Ауылға ҡайтам инде…