Ниңә сыуаҡ?/Сафуан ӘЛИБАЙ
Просмотров 1 038
Ниңә апрель нурлы була?
Иртәрәк таң атҡанға,
Әсәй һымаҡ, иртүк тороп,
Наҙлап ҡояш баҡҡанға.
Апрель ниңә йәмле була?
Йырсы ҡоштар ҡайтҡанға,
Ҡаурый түгел, йырҙар ҡойоп
Ҡанаттарын ҡаҡҡанға;
Көнгә бағып, йылмайышып,
Бөрөләр күҙ асҡанға;
Боҙ ҡабығын яра-яра,
Һыуҙар ярҙан ашҡанға.
Ниңә апрель йомарт була?
Бураҙналар артҡанға,
Ҡара бәрхәт тупрағына
Тос орлоҡтар ятҡанға.
(голосов:1)
Оҡшаш материал
{related-news}
Комментарийҙар