«Әкиәт» баҡсаһында
Просмотров 1 379
- "Аҡбуҙат"та баҫылған:04-2014
- Рубрика:Журнал тураһында / Хаттар
- Автор:Земфира Гирфанова
- Район:Сибай ҡалаһы
- Ауыл:
- Рәссам:
Беҙ быйыл сентябрь айында яңы төҙөлгән «Әкиәт» балалар баҡсаһына йөрөй башланыҡ. Кескәйҙәр өсөн бар шарттар булдырылған: яҡты, таҙа, иркен. Бының өсөн республикабыҙ Президентына, ҡалабыҙ етәкселегенә, уны төҙөүсе апай –ағайҙарға ҙур рәхмәт әйтәбеҙ.
«Ынйыҡай» исемле башҡорт төркөмөндә күңелле лә, мауыҡтырғыс та. Мәҫәлән, милли мөйөштө балалар өсөн сағыу китаптар, биҙәкле сувенирҙар, төрлө йәнлек һындары йәмләп тора. Беҙҙе өйрәтеүсе Әлфиә Әхмәтзәкир ҡыҙы Ильясова менән Зилә Зиннур ҡыҙы Низамова күп яҡшы нәмәләргә өйрәтә.
Шулай уҡ «Аҡбуҙат» журналы өсөн дә махсус мөйөшөбөҙ бар. Хикәйә, әкиәттәрен яратып уҡыйбыҙ. Тәрбиәселәребеҙ матур итеп башҡорт телендә һөйләшергә өйрәтә, йомаҡтар ҡоя, тиҙәйткестәр әйттерә. Журналға һәр йыл да дәррәү яҙылабыҙ.
Земфира Гирфанова, тәрбиәсе.
Сибай ҡалаһының «Әкиәт» балалар баҡсаһы.