Акбузат

ҺаумыҺығыҙ, "Аҡбуҙат” журналы редакцияһында эшләүсе ағайҙар, апайҙар! Беҙ "Гөлнәзирә” балалар баҡсаһының "Тейенкәй” төркөмөндә тәрбиәләнеүсе малайҙар һәм ҡыҙҙар. Тейен кеүек етеҙ, йылғыр беҙ. Баҡсаға бик теләп йөрөйбөҙ. Һәр төрлө уйындар уйнайбыҙ, ярыштар үткәрәбеҙ. Әлбиттә, беҙгә малайҙарға, һикереп, йүгереп уйнауы күңеллерәк. Һүрәт төшөрөргә, әүәләргә, дидактик уйындар уйнарға ла яратабыҙ. Беҙҙең төркөмдә ҡыҙҙар малайҙарға ҡарағанда аҙыраҡ. Ҡыҙҙарыбыҙ ҙа әүәләргә, һүрәт төшөрөргә яраталар. Розалия, Айзилә исемле ҡыҙҙарыбыҙ һүрәт төшөрөү буйынса зона ярышында 1-се урынды яуланылар. Район үҙәгендә үткәрелгән ярышҡа барыр инеләр, быйылғы бурандар юлды ябып ҡуйҙы.
Бурандар, ҡар, һыуыҡтарға ҡарамай беҙ баҡсаға көндә киләбеҙ. Ҡыш көнө саф һауала уйнауы ла бик күңелле.Әле беҙ төркөмдә аҙыраҡ кәменек, иптәштәребеҙ грипп осоронда баҡсаға йөрөмәй башланылар. Беҙҙең тәрбиәселәребеҙ Ульйәбаева Зилә Солтанахмәт ҡыҙы, Муралеева Люциә Фәтих ҡыҙы. Ә баҡсабыҙ Баймаҡ районының Урғаҙа ауылында урынлашҡан.