Ҡала йыуасаһы
Баҫылды : 16-04-2017, 06:43 | Категория: Алтын бишек / Минең ғаиләм
Просмотров 687
- "Аҡбуҙат"та баҫылған:03-2017
- Рубрика:Алтын бишек / Минең ғаиләм
- Исеме:Ҡала йыуасаһы
- Автор:Ринат Сөләймәнов
- Район:
- Ауыл:
- Рәссам:Ирина Әхмәҙуллина
Ринат Сөләймәнов
Ҡала йыуасаһы
Өләсәйгә ҡунаҡҡа
Ҡайтып төштөм ҡаланан.Өләсәйем ҡыуанып
Сәй әҙерләй ҡабалан.
Ҡайтырымды белдереп
Яҙғайным «Бәйләнештә».
Шуға әҙер ҡоймаҡ та,
Мин яратҡан бәлеш тә.
Мин дә сығарып һалдым
Өҫтәлгә йыуасамды.
«Ник алдың, – ти өләсәй, –
Бөтөрөп юҡ аҡсаңды?!»
Ҡала йыуасаһына
Тештәре үтмәй икән.
Теш бармағас ризыҡҡа
Асыуы көртләй микән?
Бик ҡаты булып сыҡты
Күстәнәсем – сохарый.
Сәйләп сәйнәй өләсәй:
«Эйәгем, – ти, – их, арый.
Үҙемдең бал-ҡаймаҡҡа
Барыбер етмәй икән.
Уртты ла семтемәй, – ти, –
Телде лә өтмәй икән».
(голосов:1)
Оҡшаш материал
{related-news}
Комментарийҙар