Күр ҙә тор!

Баҫылды : 13-03-2017, 13:09 | Категория: Алтын бишек / Минең ғаиләм

Просмотров 620

"Аҡбуҙат"та баҫылған:03-2017

Рубрика:Алтын бишек / Минең ғаиләм

Исеме:Күр ҙә тор!

Автор:Ғәлиә КӘЛИМУЛЛИНА

Район:

Ауыл:

Рәссам:Азамат Ғарипов

Ғәлиә КӘЛИМУЛЛИНА

Күр ҙә тор!

Көнө буйы йүнәтешәм

Атайыма трактор.
Ҡыҙҙырам, тиһәм, ҡыуалар:
«Ситкәрәк кит!» «Тороп тор!».
Трактор йөрөтөү, имеш,
Бары тик ҙурҙар эше.
Шөрөптәрен майлағанда –
Юҡ минән дә шәп кеше.
Эй маҡтайҙар майлағанда,
Ҙур үҫкән, тиеп, улым.
Майланған тракторҙы ни,
Ҡыҙҙырыр ине ҡулым.
Кабинаға буйым етһә,
Атай, бына күр ҙә тор.
Һине ултыртып алам да
Сығып китәм «тыр» ҙа «тыр».