Бишек йыры
Баҫылды : 4-06-2017, 14:01 | Категория: Тылсымлы һандыҡ / Бишек йырҙары
Просмотров 936
- "Аҡбуҙат"та баҫылған:06-2017
- Рубрика:Тылсымлы һандыҡ / Бишек йырҙары
- Исеме:Бишек йыры
- Автор:Миңлегөл ТАЙСИНА
- Район:
- Ауыл:
- Рәссам:Әлфиә ШАФИҠОВА
Миңлегөл ТАЙСИНА
Йоҡла, йоҡла, йом күҙеңде,
Балаҡайым, балғынам.
Күҙҙәремдең нурғынаһы,
Йөрәгемә ялғынам!
Әлли-бәү-бәү итәйек,
Йоҡлап ҡына китәйек!
Бәпесем, бәпәйгенәм һин,
Шатлығым, ҡыуанысым,
Болоҡһоған мәлдәремдә —
Күңелем йыуанысы!
Әлли-бәү-бәү итәйек,
Йоҡлап ҡына китәйек!
Булмышыма — биҙәккәйем,
Ҡупшыҡай ҡурсаҡҡайым,
Ҡулдарымда зыр әйләнеп
Бейегән орсоҡҡайым,
Әлли-бәү-бәү итәйек,
Йоҡлап ҡына китәйек!
Татлынан да татлыраҡһың,
Емешем-тәмлекәсем,
Бәхетле генә була күр,
Ҡәҙерлем, бәләкәсем!
Әлли-бәү-бәү итәйек,
Йоҡлап ҡына китәйек!
(голосов:0)
Оҡшаш материал
{related-news}
Комментарийҙар