Ҡорал
Просмотров 604
- "Аҡбуҙат"та баҫылған:05-2018
- Исеме:Ҡорал
- Автор:Тәнзилә ДӘҮЛӘТБИРҘИНА
- Район:
- Ауыл:
- Рәссам:Азамат ҒАРИПОВ
Ҡорал
Үҙйөрөшлө танкым хәтәр,
Автоматым шәп!
Тултырылған шарҙы пуля
«Шап» итеп тишә!
Олатай ғына яратмай
Минең уйынды:
«Һуғышта, – ти, – ҡорал менән
Уйнап туйылды».
«Ә нимәнән туйманың һуң, –
Тием, – олатай?» –
Үҙем һаман ҡуянымды
Атып ҡолатам.
«Һине, – ти ул, – бер ҡасан да
Туймамын һөйөп!»
Шунан икәү тәтәйҙәрҙе
Ҡуябыҙ өйөп.
Тәнзилә ДӘҮЛӘТБИРҘИНА
Рәссам Азамат ҒАРИПОВ
(голосов:0)
Оҡшаш материал
{related-news}
Комментарийҙар