Түңәрәккә тороусыға туп тейҙерешеү тураһында

Баҫылды : 1-07-2018, 16:42 | Категория: Авторҙар / Туған тел / Минең әлифбам

Просмотров 635

"Аҡбуҙат"та баҫылған:07-2018

Рубрика:Авторҙар / Туған тел / Минең әлифбам

Исеме:Түңәрәккә тороусыға туп тейҙерешеү тураһында

Автор:Әсхәл Әхмәт-Хужа

Район:

Ауыл:

Рәссам:Ирина Әхмәҙуллина

Түңәрәккә тороусыға туп тейҙерешеү тураһында

Тротуарға төшөрөлгән
Түңәрәк.
Теҙелгәндәр түңәрәкте
Тирәләп
Тәтәй төҫлө туптар тотҡан
Тәнәйҙәр –
Түңәрәккә туп ташларға
Теләйҙәр:
«Түңәрәк, түңәрәк...
Түңәрәктә Тимур торһон
Түрҙәрәк!
Теймә, тупҡай,
Теймә, ташҡа,
Теймә тимер-томорға,
Тей тиҙерәк,
Тей тиҙерәк,
Тейсе, тупҡай, Тимурға!»
Туптар теймәй,
Туптар теймәй,
Туптар теймәй Тимурға...
Тинтәк түгел Тимурыбыҙ –
Тубығына,
Теҙҙәренә,
Түбәһенә,
Түшенә,
Табанына,
Терһәгенә,
Тамағына,
Тешенә...
Туп тейҙереп торорға!