Кем матур йырлай?

Борон-борон заманда йәшәгән, ти, Айгөл исемле ҡыҙ. Ул урманда йөрөргә яратҡан. Тәбиғәттең матурлығына, күҙ яуын алып торған
сәскәләргә һоҡланған, ҡош тауыштарын тыңлаған. Бер көндө шулай урманға барһа, һандуғас менән сыйырсыҡтың бәхәсләшеүен ишетеп
ҡалған, ти. Һандуғас:
– Мин һинән матурыраҡ һайрайым! – тип әйтә икән.
– Юҡ, мин моңлораҡ һайрайым! – тигән сыйырсыҡ.
Айгөл ҡоштарҙы тыңлап торған да былай тигән:
– Юҡҡа бәхәсләшмәгеҙ! Һеҙ икегеҙ ҙә бик моңло, матур итеп һайрайһығыҙ! Һәр ҡоштоң үҙ моңо, үҙ тауышы бар!
Үпкәләшмәй, дуҫ йәшәгеҙ!

Лилиә БАҺАУЕТДИНОВА.
Ғафури районы Красноусол башҡорт гимназияһы уҡыусыһы.