Тиҙәйткестәр

Баҫылды : 1-08-2018, 17:37 | Категория: Туған тел / Минең әлифбам

Просмотров 1 354

"Аҡбуҙат"та баҫылған:08-2018

Рубрика:Туған тел / Минең әлифбам

Исеме:Тиҙәйткестәр

Автор:Әсхәт Әхмәт-Хужа

Район:

Ауыл:

Рәссам:Ирина ӘХМӘҘУЛЛИНА

Тиҙәйткестәр/Әсхәт Әхмәт-Хужа

Уу

Уба уҙып, ужым урап,
Ухылдашып, уфылдашып,
Урманлыҡта, уҫаҡлыҡта,
Ун утындан усаҡ яҡтыҡ.
Усаҡтағы уҫаҡ уты
Уйландыра уландарҙы.

Хх

Халҡыбыҙ – хазина!
Хайранмын халҡыма.
Хөрмәтем,
Хәстәрем,
Хыялым,
Хистәрем –
Халҡыбыҙ хаҡына!

Һөйөнөс

Һикереп-һикереп һөйөнәләр:
Һағынғандар,
Һағынғандар!
Һағыҙаҡтай һырып,
Һырығып,
Һонолалар,
Һарылалар!
Һөйкөмлөләр,
Һоҡланғыстар
Һәүбән, Һылыуҡай, Һөйөндөк, Һәҙиә:
Һөйләнәләр,
Һөйләшәләр,
Һаулыҡ һорашалар һәр һүҙҙә:
– Һаумыһығыҙ!
– Һаумыһығыҙ!

Рәссам Ирина ӘХМӘҘУЛЛИНА

08-2018