Ҡыш
Баҫылды : 2-01-2019, 16:30 | Категория: Ҡыш / Йыл миҙгелдәре
Просмотров 470
- "Аҡбуҙат"та баҫылған:12-2018
- Рубрика:Ҡыш / Йыл миҙгелдәре
- Исеме:Ҡыш
- Автор:Рауил Бикбай
- Район:
- Ауыл:
- Рәссам:Ирина ӘХМӘҘУЛЛИНА
Ҡыш/Рауил Бикбай
Йылыбыҙ миҙгелдәренән
Иң оҙоно ҡыш була.
Яҙҙың, көҙҙөң берәр айы
Оҙон ҡышҡа ҡушыла.
Һыуыҡтары шартлай уның
Ноябрҙән мартҡаса.
Хатта йөнтәҫ тунлы айыу
Өңөнә инеп ҡаса.
Ҡыш бабай ужым баҫыуын
Ҡарҙар ябып йылытҡан.
Йәй ҙә тимәй, ҡыш та тимәй
Туҡ-туҡ килә тумыртҡа.
Уҡый белһәң, күпте һөйләй
Ап-аҡ китабы ҡыштың:
Аҡ ҡарҙарҙа эҙе ҡалған
Һәр кейектең, һәр ҡоштоң.
Ә малайҙар һыуыҡ тимәй
Саңғы шыуырға сыҡҡан.
Һыуыҡтан ҡурҡамы кеше,
Бәләкәстән сыныҡҡас?
Рәссам Ирина ӘХМӘҘУЛЛИНА
12-2018
(голосов:0)
Оҡшаш материал
{related-news}
Комментарийҙар