Гөж килә көн дә мәктәп/Гөлнара ХӘЛФЕТДИНОВА

Баҫылды : 3-09-2013, 17:05 | Категория: Байрамдар / 1 сентябрь

Просмотров 2 003

"Аҡбуҙат"та баҫылған:№, йыл

Рубрика:Байрамдар / 1 сентябрь

Исеме:Гөж килә көн дә мәктәп

Автор:Гөлнара ХӘЛФЕТДИНОВА

Район:

Ауыл:

Рәссам:Майя Ҡәйүмова

Хикәйә уҡый берәүҙәр,
Кемдер хисапҡа сумған.
Береһе ихласлап тыңлай,
Ә кемдер күҙен йомған.

Тырышҡа маҡтау эләгә,
Шуҡтарға — әсе шелтә.
Кемгәлер иң-иң мөһиме —
Көндәлектәге билдә.

Бер дәрестән икенсегә
Тып-тып-тып та, тәп-тәп-тәп…
Ҡырмыҫҡа иләүе кеүек
Гөж килә көн дә мәктәп.