Һүҙҙе һүҙгә бәйләйбеҙ
Баҫылды : 3-04-2014, 06:45 | Категория: Тылсымлы һандыҡ / Фәстереү
Просмотров 1 286
- "Аҡбуҙат"та баҫылған:02-2014
- Рубрика:Тылсымлы һандыҡ / Фәстереү
- Исеме:Һүҙҙе һүҙгә бәйләйбеҙ
- Автор:Зөбәржәт АҠБУТИНА
- Район:
- Ауыл:
- Рәссам:Артур Василов
Туған телем — башҡорт теле
Һүҙҙе һүҙгә бәйләйбеҙ
— Сәләм, Илгиз! Уҡыуҙар нисек?
— Тешем-тырнағым менән йәбешеп уҡыйым. Бөгөн яҙма эштән «5» билдәһе алдым. Түбәм күккә тейгәндәй булды. Ә һин?
— Ә мин, уҡытыусы ағай: «Дәресте биш бармағың кеүек белеү кәрәк» тигәс, көнө буйы ҡулыма текләп ултырҙым, — тип көйөндө Илшат. —Шунан әрләне-әрләне лә тартып-һуҙып «3» ҡуйҙы.
—Кисә әсәйемдең күрше инәйгә һөйләгән яңылыҡты ҡолаҡ сите менән ишетеп ҡалғайным: «Мине Илшат тишек кәмәгә ултыртты. Бер аяғың бында, икенсеһе тегендә булһын, тип, йомош ҡушҡайным, бәлеш ауыҙ,сыҡҡан да ни эшләргә белмәй илап торған», — тип һөйләне.
—Ә нимә ҡушҡайны һуң ул?
—Илһам ағайың менән еңгәйеңдең сәстәре сәскә бәйләнә икән, бар, һибергә ошо кәнфитте алып бар, - тине.
—Кәнфит? Сәстәренәме?
—Әлләсе…
Балалар! Ҡалын хәрефтәр менән яҙылған һүҙбәйләнештәрҙең мәғәнәһен әйтеп бирегеҙ.
Зөбәржәт АҠБУТИНА әҙерләне.
Рәссам Артур Василов.
(голосов:0)
Оҡшаш материал
{related-news}
Комментарийҙар