Күңел асҡысы таба белә

Уҡытыусы – ул иң ауыр һәм яуаплы һөнәрҙәрҙең береһе. Балаларҙы бөтә күңеле менән яратҡан, уларҙы аңлай белгән кеше генә уҡытыусы һөнәрен һайлайҙыр.
Беҙҙең мәктәптә лә һәр уҡытыусы үҙ эшен яратып башҡара. Шундайҙарҙың береһе рус теле һәм әҙәбиәтенән белем биреүсе, класс етәксебеҙ Луиза Радик ҡыҙы Ҡазиханова.
Луиза Радик ҡыҙы үҙенең ябайлығы, алсаҡлығы, эрудициялы булыуы менән барыбыҙға ла өлгө булып тора. Дәрестәрен көтөп алабыҙ, сөнки уның һәр бер дәресе беҙгә яңы белем, асыштар килтерә.
Яратҡан уҡытыусыма һаулыҡ һәм яуаплы эшендә ҙур уңыштарға өлгәшеүен теләйем.

Лиза Арыҫланова, 2-се Иҙелбай мәктәбенең 7-се класс уҡыусыһы.