Телдәр шоңҡар сөйә / Факиһа ТУҒЫҘБАЕВА

Баҫылды : 4-09-2013, 14:34 | Категория: Туған тел

Просмотров 1 810

"Аҡбуҙат"та баҫылған:

Рубрика:Туған тел

Исеме:Телдәр шоңҡар сөйә

Автор:Факиһа ТУҒЫҘБАЕВА

Район:

Ауыл:

Рәссам:

Атаһы менән Телдәр

Шоңҡар сөйҙө төлкөгә.

Төлкө типте һунар ҡошо —

Ҡалманылар көлкөгә.

Атаһы менән Телдәр

Асылыкүл буйында

Сапсан сөйҙө өйрәккә —

Сапсан йылғыр бигерәк тә.

Атаһы менән Телдәр

Сөйҙө күкһкл ҡарсыға,

Бүҙәнә тота алманы —

Ҡарсыға ла талсыға.

Атаһы менән Телдәр

Сөйҙө күккә ыласын —

Былай ғына,

Ыласын ҡош

Ҡояш менән уйнаһын!

Ҡәҙерле балалар! Шоңҡар, сапсан-ыласындар төркөмөнә ингән ҡоштар. Ҡарсыға ниндәй төркөмгә ҡарай?

Салауат Юлаевтың: "Бейектә оса ҡоҙғон ҡош, унан бейек осор ыласын бар. Ыласындан да бейек оса торған ҡош батшаһы ҡыйғыр бөркөт бар" шиғырын нисек аңлайһығыҙ? Бөркөт менән ыласындың айырмаһы нимәлә?

Һүҙлек:

Балаян— бөркөттөң уртансы балаһы;

Балапан — бөркөттөң иң көслө балаһы.