Бөрйән районы Әбделмәмбәт ауылы уҡыусыларының ижады

"Аҡбуҙат” ул — пар ҡанатлы,

Нәфис-әҙәби журнал.

"Аҡбуҙат”ты күреү менән

Ҡулыңа уны һин ал.

Мөғжизәгә илтә беҙҙе

Уның серле биттәре.

Йыһанға сәйәхәт ҡылам —

Юҡтыр хыял сиктәре.

Әкиәт, комиксы ла

"Аҡбуҙат” муҡсаһында.

Ижад ит шиғыр, хикәйә —

Шундуҡ баҫалар унда.

Йырлап тора һуңғы бите,

Һүрәте — оҫта ҡулдың.

Түҙемһеҙлек менән көтәм,

Килгәнен һәр бер һандың.

"Аҡбуҙат”ты алдырайыҡ,

Уҡыйыҡ, таратайыҡ.

Рухи байлыҡ сығанағы —

Бергә генә атлайыҡ.

Ҡәҙриә ҠАСИМОВА, 6 класс.

"Аҡбуҙат”ҡа

"Аҡбуҙат” журналына

Яҙылығыҙ, туғандар,

Ошо журналға яҙылып,

Алдынғы ла булған бар.

Барыһын да өләсәйҙән

Һорашып белешегеҙ.

Һүрәт, шиғыр бәйгеһенә

Килегеҙ, күрешербеҙ!

Айгиз ҠАРАМЫШЕВ, 5 класс.

Килде беҙгә "Аҡбуҙат”,

Уҡыйым ҡабат-ҡабат.

Әкиәттәре, шиғырҙары

Үҫтерә беҙҙә "ҡанат”.

Ирхан ҮТӘБАЕВ, 2 класс.

Һәр баланың кескәй сағы

"Аҡбуҙат” менән уҙһын.

"Аҡбуҙат”ҡа яҙылығыҙ,

Алдырығыҙ, уҡығыҙ!

Гөлназ НАСЫРОВА, 6 класс.

Алдырабыҙ "Аҡбуҙат”ты

Уҡып барам һәр һанын.

Бер баҫҡысҡа күтәреләм

Уны уҡыған һайын.

Айгөл СӨЛӘЙМӘНОВА, 6 класс.

Әсәй менән яҙылдым

"Аҡбуҙат” журналына.

Түҙемһеҙлек менән алдым

Журналды ҡулдарыма.

Рәйлә ҒӘЛИНА, 5 класс.

Аҡбейектең һыртынан

Аҡбуҙат килә елеп.

Әйҙәгеҙ, минең арттан

Белем тауына!- тиеп.

Алина МӘХМҮТОВА.