ҠАР ҺӨЙЛӘШӘ БЕЛӘМЕ?
Просмотров 772
- "Аҡбуҙат"та баҫылған:01-2016
- Рубрика:Авторҙар / Ҡыш / Йыл миҙгелдәре
- Исеме:ҠАР ҺӨЙЛӘШӘ БЕЛӘМЕ?
- Автор:Фәниә ЧАНЫШЕВА
- Район:
- Ауыл:
- Рәссам:Майя Зыяи
Фәниә ЧАНЫШЕВА
ҠАР ҺӨЙЛӘШӘ БЕЛӘМЕ?
Ҡыш бабайҙың, күр әле,
Ап-аҡ икән келәме!
Наил һорай: — Өләсәй,
Ҡар һөйләшә беләме?
— Ерҙә бөтә нәмә лә
Үҙенсә һөйләй белә.
— Улай булғас, яуған ҡар
Нимә тип әйтә миңә?
— Иренеңдә ирермен,
Яғаңа ҡунайым, — ти.
Баҡсаңа тиклем һине
Оҙатып ҡуяйым, — ти.
Апайҙарҙы тыңлаһаң,
Ҡарышмаһаң һис ҡасан,
Татыу ғына уйнаһаң,
Ваҡытында йоҡлаһаң,
Тау булып өйөлөрбөҙ,
Санала шыуырһың, — ти,
Беҙҙең менән дуҫ булһаң,
Таҙа-ныҡ булырһың, — ти.
(голосов:0)
Оҡшаш материал
{related-news}
Комментарийҙар