ЙОМАҠ
Просмотров 864
Фәниә ЧАНЫШЕВА
ЙОМАҠ
Бармы һеҙҙә шундай кеше?
Һис кенә лә бөтмәй эше,
Йүгереүсе, һикереүсе,
Бөтә ерҙә өлгөрөүсе?
"Яратам”, тип яҙып ҡуйһа,
"Я”һы кире ҡарап тора.
Шуҡлығына асыу килмәй
Мутлығы ла яраттыра.
— Әкиәт һөйлә! Йоҡлама, — тип,
Үҙ яғына бора башты,
Һине түгел, урынынан
Ҡуҙғатыр ул тораташты!
Оноттора бар донъяңды,
Уй-хәсрәттән арындыра,
Күрмәй торһаң, һағындыра,
Йә һөйҙөрмәй ялындыра.
Һорау биреп "йәнде ала”,
Йырлай икән — моңға һала,
Һөйләгәндә — уйға ҡала,
Ауырып китһә — шомға һала.
Кем ул һиңә ҡарап тора,
Тәрән уйға ҡалып ҡына?
Кемдең холоҡ-ҡылығынан
Үҙ-үҙеңде танып була?
(голосов:0)
Оҡшаш материал
{related-news}
Комментарийҙар