Бәпесем

Батыр инде ҙур үҫте,
Әсәһенең уң ҡулы...
Портфеле бигерәк ауыр,
"Бишле”ләр менән тулы.

Мәктәптән ҡайтҡас та, Батыр
Әсәһенә булыша,
Бутҡа ла бешерә ул,
Табаҡ-һауыт йыуыша.

Унан дәресен әҙерләй,
Мәсьәләләрҙе сисә.
Мәсьәләне сискән һайын,
Батырыбыҙ тиҙ үҫә.

Урыҫ теле, туған тел дә
Уның өсөн еп-еңел.
Батырҙың өйгә эштәрен
Һанап бөтөрлөк түгел.

Арып-талып, арып-талып,
Батыр йоҡларға ята.
Әсәһенең, һөйә-һөйә:
"Тыныс йоҡла, бәпесем!” — тип
Әйткәнен ул ярата.