ӘСӘЙҘЕҢ КӨСӨ

Баҫылды : 4-08-2016, 09:16 | Категория: Алтын бишек / Минең ғаиләм

Просмотров 625

"Аҡбуҙат"та баҫылған:03-2016

Рубрика:Алтын бишек / Минең ғаиләм

Исеме:ӘСӘЙҘЕҢ КӨСӨ

Автор:Факиһа ТУҒЫҘБАЕВА

Район:

Ауыл:

Рәссам:Ирина ӘХМӘҘУЛЛИНА

Факиһа ТУҒЫҘБАЕВА

ӘСӘЙҘЕҢ КӨСӨ

Зәйнәп бөгөн ҡурсаҡ кеүек —

Ҡыҙыл яңы күлдәге.
Ә ҡыҙыл төҫ
Асыуына
Тейә ниңә күркәнең?

Эй баҫтыра ул Зәйнәпте.
Ихатала: "Ҡор-ҡор-ҡор!
Күлдәгеңде йолҡоп алам,
Тотам хәҙер, көтөп тор-р-р!”

Зәйнәп ҡурҡа.
Илай-илай,
Ул саҡыра әсәһен.
Гөлсөм апайҙы күргәс тә
Ҡасты күркә. Нишләһен?!

Тауышы ла сыҡмай хәҙер
Ояһында күркәнең.
Ул да белә әсәйҙәрҙең
Иң-иң көслө икәнен.