Мут кәзә

Зөбәйҙә Исламова

МУТ КӘЗӘ

Күрше әбейҙең кәзәһе

Шәйләп алып йыраҡтан —

Баҡсалағы кәбеҫтәне

Тартып ҡарай ярыҡтан.

Ә кәбеҫтә һис ҡуҙғалмай,

Кәзә ҡалмай битараф —

Арып, талып, аптырап,

Юл эҙләй ҡапҡа ҡарап.

Уңғанбикә был эште

Көлә-көлә күҙәтә.

Кәбеҫтәнән салат турап

Күршеһенә тәмләтә.

Аҡ һаҡаллы мут кәзә лә

Ризыҡтан буш ҡалманы.

Татлы һутлы тамырҙы

Көйшәп тамаҡ ялғаны.