Кил тиҙерәк, Ҡыш Бабай!

Земфира СӘХИПОВА

Кил тиҙерәк, Ҡыш Бабай!

Ҡыш Бабай, ҡайҙа юғалдың?

Юлың алыҫмы шулай?

Беҙ көтәбеҙ, тиҙерәк кил.

Аҡ ҡарһыҙ бит ҡыш булмай.

Инде ноябрь аҙағы,

Урамда ямғыр яуа,

Йылғалар ярҙан сығалар,

Ҡоштар ҡышларға ҡала.

Баҡсаларҙа сирендәр

Күкрәп сәскә аталар.

Яландарҙа үләндәр

Һарғаймайса яталар.

Кил тиҙерәк, Ҡыш Бабай,

Һал тәртипкә миҙгелде.

Осор ҡар бөртөктәрен!

Яҡынлығың һиҙелһен!