Ҡыш бабайым ифрат уңған...
Просмотров 742
Фәрзәнә ҒӨБӘЙҘУЛЛИНА
Ҡыш бабайым ифрат уңған...
Ҡыш бабайым ифрат уңған
Ҡыуаҡлыҡҡа ҡыуыш ҡорған,
Убаларға көпө һырған,
Ужымдарға япҡан юрған.
Аҡсарлаҡ булып аҡ ҡарҙар
Йәшел шыршыларға ҡунған,
Боҙ ялтырай күл өҫтөндә,
Йылғала һыу күптән туңған.
Ҡайындарҙа ялтыр һырға,
Сыңлауҙары оҡшай йырға,
Өйҙәр тәпәшләнеп ҡалған,
Ҡыйыҡтарға кәпәс һалған.
Шишмә генә бирешмәгән,
Һаман аға сылтыр-сылтыр,
Билғаулаған көмөш ҡәмәр,
Семәрләгән селтәр-селтәр.
Ҡыш бабайым бигрәк уңған,
Биҙәгән һәр ерҙе йылдам,
Саңғы, сана, коньки менән
Ҡаршылайым уны йыл да.
(голосов:0)
Оҡшаш материал
{related-news}
Комментарийҙар