Ҡыңғырауҙар

 Иглин районының Урман ауылы балалар баҡсаһында байрамдар, фото һәм һүрәт бәйгеләре шаулап уҙып тора. «Ҡыңғырауҙар» төркөмө кескәйҙәре һәр сараға бик әүҙем әҙерләнә. Яңыраҡ улар И. Крыловтың «Энәғараҡ һәм ҡырмыҫҡа» әкиәтен сәхнәләштерҙе. Фотоконкурстар, балаларҙың сағыу костюмдары, дәртләнеп шиғыр һөйләүҙәре, йыр йырлауҙары, бейеүҙәре ата-әсәләр һәм башҡа тамашасыларҙы бик ҡыуандырҙы. Киләсәк шәхестәр бит улар. «Аҡбуҙат»ты ла яратып уҡыйҙар. Журналдарына күстәнәс тә әҙерләп ҡуйғандар, афариндар.

Раушания ИҪӘНДӘҮЛӘТОВА,
«Ҡыңғырауҙар» төркөмө тәрбиәсеһе.