Яҙғы гөлләмә
Просмотров 680
Ҡәҙерле балалар! Әсәйҙәр өсөн иң ҡәҙерле бүләк ҡайһы магазинда һатыла икән, тиһегеҙме? Магазинда юҡ шул. Ә бына үҙ ҡулдарығыҙ менән яһаған бүләккә әсәйҙәрегеҙ сикһеҙ шатланасаҡ. Әйҙәгеҙ, донъялағы иң ҡәҙерле кешебеҙгә гөлләмә бүләк итәйек!
Һеҙгә сәскә эшләү өсөн кәрәк буласаҡ:1) 2 аш ҡалағы көнбағыш майы;
2) 2 аш ҡалағы йылы һыу;
3) 4 аш ҡалағы он;
4) Йәшел, ҡыҙыл төҫтәге буяуҙар;
5) Муйыл ағасы ботағы;
6) Нәҙек бумала.
Көнбағыш майы, һыу, ондо ҡушып ҡамыр эшләгеҙ. Оҙаҡ ҡына әүәләгеҙ. Шыйыҡ булһа, әҙләп он өҫтәргә мөмкин. Пластилин кеүек йомшаҡ масса килеп сығырға тейеш. Баш бармаҡ башындай өс өлөштө шар кеүек йомарлағыҙ ҙа йәймәләр йәйегеҙ. Улар ни тиклем йоҡа булһа, сәскәләр ҙә шул тиклем нәзәкәтлерәк сығасаҡ.
Ә хәҙер сәскә эшләй башлағыҙ. Беренсе йәймәне торба кеүек итеп урағыҙ. Икенсе йәймәне беренсеһенә беркетегеҙ. Өсөнсө йәймәне ағас ботағы менән бергә уратып беркетеп ҡуйығыҙ. Ағасҡа бер-ике урындан япраҡтар йәбештерегеҙ.
Гөлләмәгеҙ биш-алты сәғәт тороп ҡатҡандан һуң ҡыҙыл төҫтәге буяу менән розаларҙы, йәшеле менән япраҡтарҙы бөхтә итеп, ҡабаланмай ғына буяғыҙ. Сәскәләрҙе матур вазаға ҡуйығыҙ. Әсәйҙәргә бүләк әҙер!
(голосов:0)
Оҡшаш материал
{related-news}
Комментарийҙар