Бәпембә
Просмотров 721
Минзәлә ХӘЛИЛОВА
Бәпембә
Бәп-бәп – бәпембә,
Үҫә тауҙың битендә.Ҡояш менән игеҙәк,
Һары ғына түңәрәк.
Йомшаҡ һары битенән
Үбеп алды ел генә.
Бал ҡорто ла шаяртты,
Һары сәсенән тартты.
Бәпембәләй бәпкәләр
Йүгерешеп килделәр.
Һыйландылар. Эх, тәмле,
Тирә-яҡтар бик йәмле!
Бәпембәләр йылмая,
Бәпкәләр шат, ҡыуана.
Бәпкәләр үҫеп етер,
Бәпембә осоп китер.
05-2017
(голосов:0)
Оҡшаш материал
{related-news}
Комментарийҙар