Буталған бесәй балалары

 

Айнар БАЙБУЛАТОВ

Буталған бесәй балалары

 

Динара менән Гөлнәзирәгә атай-әсәһе Шуҡменән Туҡ исемле бесәй балалары бүләк иткән. Берәүһе — шаян, икенсеһе йоҡосо булған, ти. Гел бергә уйнайҙар. Бер көн Гөлнәзирә Динараның, ә Динара Гөлнәзирәнең бесәйен яңылыш алып ҡайтып киткән, ти.

 

Гөлнәзирә мәктәптән ҡайтһа, нимә күрһен?! Бесәй балаһы аяҡ кейемдәрен туҙҙырып, гөлдәрҙе ауҙарып, дәфтәрҙәрҙе йыртып бөткән, ти.

 

 

 

Ә Динара бесәйенең тыныс ҡына диванда йоҡлап ятыуына ныҡ аптыраған, ти.  "Нимә булды икән?” тип уйға батҡан ҡыҙҙар.

Иртән тышҡа сыҡһалар, һәр бесәй балаһы үҙ хужабикәһенә йүгергән, ти.

Кескәй дуҫтар, әйтегеҙ әле, кемдең бесәйе — Шуҡ, ә кемдеке Туҡ булған һуң?