Бәшмәктәр
Просмотров 525
Көҙөн йылы ямғырҙан һуң
Ҡалҡып сыҡты бәшмәктәр.
Киттем бәшмәк йыйырға мин,
Улар хәҙер күмәктәр.
Эшләпәле дуҫтарым, тип,
Ҡайҙа инеп боҫҡандар,
Таба алмай арып бөттөм,
Минән ниңә ҡасҡандар?
Үлән араһында ғына
Боҫоп ҡалған аҡ бәшмәк,
Ерән бәшмәк бөҙрәләнеп,
Мүктән кейгән шәп бишмәт.
Ҡыҙыл ҡалпаҡ, аҡ борсаҡлы
Тырҡыш бәшмәк ағыу ул.
Ситтән генә ҡарап үтәм,
Хәйлә тапҡан, сағыу ул.
Бәшмәк йыйырға өйрәндем,
Ҡайҙа, нисек табырға,
Ашарға яраҡлыларын
Дөрөҫ кенә танырға.
Нәсимә ҒАЙСИНА
(голосов:0)
Оҡшаш материал
{related-news}
Комментарийҙар
© 2011 Все права защищены.
При копировании материалов, активная ссылка на сайт обязательна.
АКБУЗАТ ОНЛАЙН
