Минең йырым

Минең йырым. 

Ял итһен керпектәрең,

Йоҡла, ҡурсаҡ, йом күҙең.

Тәтәйҙәрең ял итһен,

Уйнарһың бит көндөҙөн.

Күҙен ҡыҫып ҡарай ай

Һинең ҡара ҡашыңа.

Һоҡлана һинең йөҙгә,

Битеңдең ҡояшына.

Шылт иткәнгә һиҫкәнә

Түшәктәрең, мендәрең.

Таңғаса шымып торһон

Быт-быт иткән телдәрең.

Әлли-бәлли, бәлли-бәү,

Ҡурсаҡҡайым, күҙ нурым.

Мин дә йоҡлап алайым,

Йом күҙеңде, йондоҙом. 

Таңһылыу ҠАРАМЫШЕВА