Афарин, Ләйсән!
Баҫылды : 6-03-2018, 16:48 | Категория: Яңылыҡтар
Просмотров 673
Афарин, Ләйсән!
Аҡбуҙат, тәбиғәткә һоҡланып, Учалы яҡтарынан осоп әйләнергә булды. Байрамғол ауылына еткәс, илаһи моң ишетте. Башҡорт халыҡ йыры «Сыңрау торна» бит был! Бер кескәй ҡыҙ башҡара. Аҡбуҙат, ошо моңға эйәреп, ҙур ҡапҡалы йорттоң ишеген шаҡыны.
Ҡурай, ҡумыҙ, гитара, думбыра кеүек музыка ҡоралдарында оҫта уйнаған, бейеү, йыр, шиғыр, әкиәт һөйләүгә маһир Ләйсән Золотареваны тәүгә күрҙе Аҡбуҙат! Үҙе бер оркестр бит! «Рәсәй» каналының «Зәңгәр ҡош» проектында «Урал батыр» эпосынан өҙөк менән сығыш яһап, бар донъяны хайран ҡалдырҙы ул!
Илебеҙҙе һоҡландырған ҡыҙҙың һәләттәре лә һанап бөткөһөҙ: һүрәт төшөрөү, дизайн, гимнастика — барыһын да булдыра. Өйҙә ата-әсәһенә ярҙам итергә лә, мәктәптә яҡшы билдәләргә генә уҡырға ла өлгөрә.
Дүрт йәшендә ауыл сәхнәһенә сығып, ун йәшендә Рәсәй кимәлендә
билдәлелек яулаған Ләйсәнгә яҡты киләсәк, аҡ юлдар теләйек!
Зөбәржәт ЯҠУПОВА.
(голосов:0)
Оҡшаш материал
{related-news}
Комментарийҙар