Хайуансыҡтар
Просмотров 581
- "Аҡбуҙат"та баҫылған:04-2018
- Рубрика:Авторҙар / Шиғырҙар / Йорт хайуандары
- Исеме:Хайуансыҡтар
- Автор:Дамир ШӘРӘФЕТДИНОВ
- Район:
- Ауыл:
- Рәссам:Майя ЗЫЯИ
Хайуансыҡтар
Яратам мин себештәрҙе,
Улар: "Сип-сип-сип”, — тиҙәр.
Шундай йомшаҡҡай үҙҙәре,
Гел йүгереп йөрөйҙәр!
Бесәй балаһы ла оҡшай —
Һөйләшә: "Мыяу-мыяу”.
Бар эше — йоҡлау ҙа ашау,
Ҡойроғо менән уйнау...
Шуҡ көсөк тә яҡын миңә —
Сәңкелдәп кенә өрә
Йә тешһеҙ ауыҙы менән
Тәмле һөйәк кимерә.
Уйнатам шаян бәрәсте:
"Ми-ки-ки-ки, мики!”, — тип
Мекерләй ул, дәү мейесте
Маңлайы менән төкөп.
Һөйөп һыйпайым быҙауҙы, —
Зәп-зәңгәр генә күҙе!
"Мө-ө!” — тип сәләмләй үҙе
"Зәб-зәү!” — тип саҡырыуҙы.
Бик күп ошо бәпәйҙәрҙең
Иң матуры — ҡолонсаҡ!
Тик күргәнем юҡ үҙҙәрен —
Улар бары тик ҡурсаҡ...
(голосов:0)
Оҡшаш материал
{related-news}
Комментарийҙар