Бер көндә нишләп була?

Баҫылды : 1-10-2018, 16:35 | Категория: Алтын бишек / Минең ғаиләм

Просмотров 518

"Аҡбуҙат"та баҫылған:10-2018

Рубрика:Алтын бишек / Минең ғаиләм

Исеме:Бер көндә нишләп була?

Автор:Муса ҒӘЛИ

Район:

Ауыл:

Рәссам:Азамат Ғарипов

Бер көндә нишләп була?

– Бер көндә нишләп була?..
– Керҙәр үтекләп була,
Китаптар төпләп була.
Була еләктәр йыйып
Һәм түтәлгә һыу ҡойоп.

– Бер көндә нишләп була?..
– Юлға таш түшәп була,
Эткә йорт эшләп була.
Була таҡталар ярып,
Һыу аша баҫма һалып.

– Бер көндә нишләп була?..
– Сана тимерләп була,
Мамыҡ, йөн иләп була.
Була яңы йыр отоп,
Күлдә балыҡтар тотоп.

– Ә был малай нишләгән?
– Тороп һыу ҙа эсмәгән,
Йоҡлап ятҡан көн буйы,
Карауаттан төшмәгән.

Рәссам Азамат ҒАРИПОВ.