Фонарь тотоп – мәктәпкә
Баҫылды : 25-12-2018, 10:05 | Категория: Яңылыҡтар
Просмотров 530
- "Аҡбуҙат"та баҫылған:12-2018
- Рубрика:Яңылыҡтар
- Исеме:Фонарь тотоп – мәктәпкә
- Автор:Тамара Юлдашева
- Район:
- Ауыл:
- Рәссам:
Өфө ҡалаһының Черниковка биҫтәһендә, Кольцевая урамының 84, 86, 88 йорттарынан мәктәпкә барыу өсөн, балалар ҡулдарына фонарь тотоп урамға сыға икән! Бағаналарҙа ут юҡ. Яҡында балалар поликлиникаһы. Унда әсәйҙәр бәпестәрен алып килеү өсөн коляскаларға фонарь тағамы икән?
Республика етәксеһе Радий Фәрит улы Хәбиров, бындай хәлдәр менән килешергә ярамай, тип белдерҙе. Башҡортостандың 46 ауыл-ҡалаһында туғыҙ меңдән ашыу бағанала лампа яҡтырта башлаған. Был – һуңғы ай эсендә генә.
Эштәр былай барһа, Айнур ҙа портфеленә фонарь һалып йөрөмәҫ әле!
Портфелгә юҡ-бар тултырма
Айнур дәрескә килде,
Дуҫтары унан көлдө:
— Портфелең бигерәк йыуан,
Унда нимәләр тулған?
Асып ебәрһә Айнур,
Портфелдән таралды нур:
Һүндерергә онотҡан —
Фонарь яҡтыртып ятҡан
Портфелендә ни барын:
Шөрөп,
сарлаҡ,
сүп-сарын,
Ҡағыҙ,
һағыҙ,
еп, ҡаҙаҡ,
Ҡаптырма ла
уҡ-һаҙаҡ,
Юйма,
ҡәләм,
туңдырма...
— Айнур, юҡ-бар тултырма!
Тамара Юлдашева
(голосов:0)
Оҡшаш материал
{related-news}
Комментарийҙар