Балалар йорттары тәрбиәләнеүселәре «Алтын бутсы» турнирында ярышты

Баҫылды : 4-04-2014, 12:50 | Категория: Яңылыҡтар

Просмотров 996

"Аҡбуҙат"та баҫылған:04-2014

Рубрика:Яңылыҡтар

Исеме:

Автор:Арина Рәхимҡолова

Район:

Ауыл:

Рәссам:

Өфөнөң «Динамо» стадионында республиканың балалар йорттары тәрбиәләнеүселәре араһында «Алтын бутсы» мини-футбол турниры уҙҙы. Унда 100-ҙән ашыу бала ҡатнашты.

Ярышта Бөрө балалар йортоноң командаһы еңеүсе булып сыҡты. Икенсе урында – Благовещен балалар йорто футболсылары. «Бронза» Өфөнөң 9-сы балалар йортона тейҙе.

Еңеүселәргә миҙалдар, кубоктар һәм «Өфө» футбол клубы уйынсыларының автографтары менән футболкалар тапшырылды.

Шулай уҡ турнирҙа Стәрлетамаҡ ҡалаһынан, Чесноковка һәм Охлебинин ҡасабаларынан йәш спортсылар ҡатнашты. Улар бөтәһе лә иҫтәлекле бүләктәр алды.

Байрамды ойоштороусылар – «Байтул Мал» хәйриә фонды, «Урал халыҡ кассаһы» кредит ҡулланыусылар кооперативы һәм БР Футбол һәм мини-футбол федерацияһы.