Сәңгелдәк йыры
Баҫылды : 1-10-2014, 12:59 | Категория: Журнал тураһында / Авторҙар
Просмотров 1 234
- "Аҡбуҙат"та баҫылған:10-2014
- Рубрика:Журнал тураһында / Авторҙар
- Исеме:СӘҢГЕЛДӘК ЙЫРЫ
- Автор:Мостай КӘРИМ
- Район:
- Ауыл:
- Рәссам:
Мостай КӘРИМ
СӘҢГЕЛДӘК ЙЫРЫ
Әлли-бәлли-бәлли-бәү
Көллө донъя тирбәлә.
Һөрән һалып ир тыуҙы
Донъя тигән тирмәлә.
Әлли-бәлли-бәлли-бәү
Ебәк бәллеү тирбәлә,
Ҡояш балҡый түбәлә,
Ай әйләнә тирәлә.
Әлли-бәлли-бәлли-бәү
Унда бала тирбәлә.
Кил, именлек, кил, бәхет!
Кит, яуызлыҡ, кит, бәлә!
Әлли-бәлли бәүелеп
Үтһен, китһен сабый саҡ.
Ғүмер баҡый һүнмәһен
Күңел нуры — сабый саҡ.
Әлли-бәлли-бәлли-бәү.
Әлли-бәлли-бәлли-бәү
Көллө донъя тирбәлә.
Һөрән һалып ир тыуҙы
Донъя тигән тирмәлә.
Әлли-бәлли-бәлли-бәү.
(голосов:0)
Оҡшаш материал
{related-news}
Комментарийҙар