Атайым минең - табип

Баҫылды : 1-08-2018, 18:54 | Категория: Китапхана / Минең ғаиләм

Просмотров 618

"Аҡбуҙат"та баҫылған:08-2018

Рубрика:Китапхана / Минең ғаиләм

Исеме:Атайым минең - табип

Автор:Миңлегөл Тайсина

Район:

Ауыл:

Рәссам:

Атайым минең - табип/Миңлегөл Тайсина

Изге йөрәкле атайым
Һаулыҡ һағында тора.
Сәләмәт булайым, тиһәң
Һин унан кәңәш һора.
Алтын ҡуллы, йомшаҡ һүҙле,
Үҙ эшен белгән табип.
Тештәрҙе ынйылай итә
Тылсым таяғын табып.
Һыҙланыу-ауыртыныуҙар
“Һә” тигәнсе юғала.
Ошо һөнәрҙе һайларға
Теләйем мин шуға ла.
Әлегә ҡурсаҡтарымды
Көн һайын дауалайым,
Һалҡын тейҙергәндәренең
Арҡаһын ыуалайым.
Төймә-дарыуҙар эсерәм,
Уколын да һаламын,
Тештәренең таҙалығын
Тикшереп тә аламын.
Атайымдан өйрәнәмен
Табиплыҡ серҙәренә.
Мең дауа табырмын әле
Кешенең сирҙәренә.

08-2018