Баянсылар менән гармунсылар ярышты

Конкурс төрлө йәш категорияһына бүленгәйне. Ололар араһында Мәсетле мәҙәниәт йорто мөдире Юлай Тажиев – 2-се, художество етәксеһе Рөстәм Хәкимов 1-се урынды алды. Дуэтта ла яҡшы сығыш яһаны улар.

Малаяҙ сәнғәт мәктәбе тәрбиә­ләнеүселәре лә уңышлы сығыш яһаны. 3-сө класс уҡыусылары Станислав Низаметдинов (преподавателе – Илнур Вәлиев), Илнур Абдрахманов (преподавателе Айҙар Мөфтәхов) уртансы төркөмдә сығыш яһап, лауреат исемдәрен яуланы. Станислав – I дәрәжә, Илнур II дәрәжә Диплом менән бүләкләнде (һүрәттә). 

Өфөнән килгән жюри һәр яҡлап баһаланы: инструментта техник яҡтан уйнауҙы һәм преподавателдәрҙең эшен дә. Инструментта уйнау оҫталығына жюри ғына хайран ҡалманы, тамашасылар ҙа, башҡа сәнғәт мәктәптәре уҡытыусылары ла, мәҙәниәт йорттары хеҙмәткәрҙәре лә. 

Балаларға тапшырылған Дипломдар сәнғәт училищеһына имтиханһыҙ инеү өсөн билет та булып тора. 

Афарин, Илнур мәнән Станислав!